ایرام گلیبدی، یاز دی خرجیم چوخ پولوم آزدی

بیرگؤزوم شهَر چایی! بیر گؤزوم ده آرازدی!

فیش لر گلیب ردیف دی بو تلفن دی، او گازدی!

سوبای جان!بو دوره ده سوبایلیق امتیازدی!

بوشالدیب دی جیبیمی خانمین کئفی سازدی!

دئدی:ماشینی ده ییش! اون گون بئنیمی قازدی!

دئدیم:عقلیمه باتمیر! دئیدی:عقلین دایازدی!

ائله چالدی باشیمنان ییخیلدیم هوشوم آزدی!

حساب-کتاب یازمامیش یاز گلدی بیزی یازدی!

دلی بولبول کئف سورور دونیا دا دلی بازدی