من نه مرد این ور و نه مرد اونور هسمه

من گرفتــار دل وشـــه جان دل ور هسمه

من بیمه اَتا کلو او دکته پیته زغال

شکر کمه که اسا خورشید خاورهسمه

تا شه خود برکنار هاکردمه ازگیرودار

پادشاه اقتدار هفت کشور هسمه

لطف اون جانه خدا هسه که دردریای علم

هم که کشتی هم که لنگر هم که بندر هسمه

دین پاک مصطفی ره به علی مرتضی

هم سپاه وهم سلاح وهم که لشکر هسمه

نصف شو که پرسمه گیرمه وضو خومه نماز

کمه چی پروازها با اینکه بی پر هسمه

شو که بیه شو پَر هَروَر خوانه شونه پَرزَنون

جانه آملی من مگر کمتر ز شوپرهسمه

خوانی ازسرّحسن سردربیاری دونکه من

بنده فرمونبرآل پیمبــــر هسمـــــه