دورِ چارقَد گلی عاطفه سر او دَ نیا

آخ وَ بختُم که صِدی نالهِ برنو دَ نیا

اَورِ سِه اومَه گرفته آسمون دِلمه

وهَوی غِرُم تِراقِش روز شَرتو دَ نیا

جویَل عفت و پاکی هَمشو خشک وابی

مِن رو غیرت و مِردی یَه ذره ی اَو دَ نیا

قدرِ او روزَلِ خوبونَه خُمو نونِهسیم

شویِ سِه اومَه وُ اَفتو وَبَرافتو دَ نیا

اگر اُمرو نَگریویم چِه باید بکنیم

خنده پیسِهسه مِن ای دِل و سرِ لو دَ نیا

سرِشو هم اَر صِدی ساز و دُهل راسو وابو

مِن تیی مِردَل جنگی یَه ذَره ی خَو دَ نیا

دیو بی غیرتی اُفتا یِه وَجونِت به خدا

اگر اُمرو بِروانیش و مِن دو دَ نیا

نه رُواندن نه خِشه حمله ورابو مِث شیر

فرصتی سی کشتنش بهترَ اُمشو دَ نیا