{القصیده علی لحن گومن بنات النبی ص}
إسمع یطاها الرسول**** فاطم تنادی او تگول
دلحگ علیّه ابعجل*** کسروا ضلعهه البتول
*********
نادة یبویه مُحمّد هجموا عَلینه ابزمرهه
شوف إشلقینه إبغیابک من الفُلانی او أمرها
صاحلهه سکتي یفاطم بالدفعا عمداً عِصرها
صاحت ضِلوعی إبعصرته یآبویه خصمک کسرهه
بویه العجب ما إجیت ** لمّن صحتلک بچیت
دمع المدامع نزل *** کسروا ضلعهه البتول
*********/**
وکت الّی هجموا علیهم رادوا یبایع ولینه
گلوله فاطم فُلانی گلهم و إن لا تجینه
گلتله ارحل یطاغی موش انته تحکم عَلینه
حیدر خلیفه من الله دُر الولایه الثمینه
تذکر وکت بخ بخت *** شنهو السبب بي خنت
تعبد صنم من أزل *** کسروا ضلعها البتول
**********//*
إسمعهه منّي یه أحمد مَن؟ ها جِما ها الزچیه
نفس الّی ناداها تَهجُر یوم الخمیس الرزیه
وکت الرفسهه صنمهم محسن سگط عالوطیه
تالی سطرهه إعله خدهه نادت دلحگوا علیّه
موش آنه بنت النبي *** یسطرنی چف الغبي
ماعنده اصلاً خجل*** کسروا ضلعها البتول
**********/*
شنهو السبب ما نختّه حیدر لوّن تِسئلوها
راح آنه أجاوب علیکُم وآفه الوصـیـة إبوها
سیفک تغمده ابمچانه لو فاطمه روعوها
تصبر یحیدر وصیّه حتی الفدک لو خذوها
ضَل صابر الهل أمر*** حیدر مَثَل للصبر
وإبدربه ماکو زلل*** کسرو ضلعها البتول
********///****
الشاعر جعفر عبدالمهدی العبادی
ادامة المطلب
