هلی الکرار والباقر وصادق
لان نهج الشرف عدهم وصادق
وإنه الیرفض عدوا حیدر وصادق
الشیعی العذب مو تایه الباب
*************
هلی شت الشمل منهم وجمعه
او شلم من الیشت گلی وجمعه
إشکثر اندب گمت جمعه وجمعه
یمهدی عجّل او لِم جمع الحباب
*********
هلی عزة نفس سرهم ومرهم
هلی بس العلی صدهم ومرهم
هلی فوگ الجرح سلوّه ومرهم
شیعه هلی واطیاب الانساب
*************
هلی للموت متمسکه بالحسین
وإبحسنه ارتقت دایم بالحسین
یخی دنیانه ما تسوه بالحسین
سقر وایمسنه اشکال العذاب
************
مُلک اهلی الشعر طبعاً ملکنه
او لکینه الحچی صدّگ مَلَکنه
نضل للموت بس حیدر ملکنه
نموت ابحبه میمسنه العذاب
**********//*
طءطء کل حزب شانه وکعبه
او سترنه ابعلم برهانه وکعبه
مَثَل وصفه الشِبه مکه وکعبه
لازم تعتنی واتزوه الاصحاب
************/**
هلی او حبهم یلایم ماتم إلنه
لبو القائم مواکب ماتم إلنه
ولا لحظه ابعمرنه مات أملنه
أملنه المهدی حد یوم الحساب
**************
الشاعر جعفر عبدالمهدی العبادی
ادامة المطلب
