ربّی لاعن من یبغضک والکساء
طاهر انته یشهد الله والکساء
آنی اعلن لک ولائی والکساء
ابقی دایم فی طریقک بالتزام
بس غرام الحید ما مثله غرام
******/*
للیبغضه الله قاسم ناره له
والیوده گلبه حتما ناره له
وکته یظهر تم غیابه ناره له
طلعه هیبه امن الفرح لا ماننام
بس غرام الحید ما مثله غرام
****************/
الیحبله وحده دایم منتحِب
عوفه ذاکه گله إرحل منتحُب
خل اعلمک کیف تعشگ منتحب؟
خلّی حُبك لي ولینه للهیّام
بس غرام الحید ما مثله غرام
*******/**
الّی ما یربه الیّه شربله
والیضد حیدر عَلیِنه شربله
نوبه جرب شوف حُبنه شربله
کاسه یروی ماي زم زم والظئام
بس غرام الحید ما مثله غرام
******///***
جیش حقده خصم حیدر سیّره
نهجه باطل بالجهاله سیّره
لاکن ایحصل جزائه سیّره
واحنه ما همنه نضل لیه ابؤام
بس غرام الحید ما مثله غرام
********///***
تومی للحگ دایم اهوه یومی لک
وارد انشدک انته إنسی یو ملک
یومک الکل هم تعرفه یوم الک
بیدک انته الجنّه صارت والأنام
بس غرام الحید ما مثله غرام
*******//**
کلمن ایحب عشگه خانه والوعه
وآنی مغرم فی حبیبی والوعه
حُبَّ جنّه بی کرامه والوعه
یسکن ابأرض النجف وآدی السلام
بس غرام الحید ما مثله غرام
********/***
الّی یعشگ یمشی تآیه وابذله
افدی عمری لی حبیبی وابذله
لنهو یفرق عشگی قدوّه وابذله
صرنه خوان او أهل عشنه ابسلام
بس غرام الحید ما مثله غرام
********//**
گلی محبوبک تعرفه وصفه لی
گتله ما اگدر او یصعب وصفه لی
عذبه اعذب من ذهبکم وصفه لی
اسمه حیدر یستحق لاجله القیام
بس غرام الحید ما مثله غرام
*********/
نادی واندب منهو عشگه جنّه بی
وآنی عگلی هل صفن له جَنّ بی
او حیّر العبّاد أنسه او جِنّه بی
محتاره ظلت للعشگ معنه الکلام
بس غرام الحید ما مثله غرام
**********/**
الشاعر جعفر عبدالمهدی العبادی
ادامة المطلب
