☆ آنا دیلیم اؤلن دئیل ☆

آیلار اؤتور ایل دولانیر 

گئدن گئری دؤنن دئیل

لاچین کؤنلوم قاناد چالیر

گؤیلریندن ائنن دئیل

بیر داغام کی گؤیده باشیم

چوخ قدیمدیر منیم یاشیم

آلوولانسا بیرجه داشیم 

میلیون ایلده سؤنن دئیل

آذربایجان منیم ائلیم 

آذربایجان منیم دیلیم

دوغرانسا دا دیلیم دیلیم 

اؤزگه دیله چؤنن دئیل

هم آرازام هم ده کورم

آخیب خزره تؤکوللم

دیلیم اؤلسه من ده اؤلوم 

آنا دیلیم اؤلن دئیل